【Theresa May：愛國愛黨不割蓆的政客量度】
估唔到，今日最精彩同搶Focus係佢
（不論觀點與立場，齊來學英文演說）
今日Brexit Deal表決本來好重要，但係結果只係以322對306票通過要求首相向EU要求延期，籍口係希望新嘅Brexit Deal通過英國立法程序再表決。今晚Boris Johnson不情願地好古惑咁出咗封無簽名嘅申請延期信比EU，但係同時夾咗另一封簽咗名嘅叫EU唔好中計，免得夜長夢多搞到攬炒No deal。實際上，EU27個國家無可能可以一兩日有答案，相反保守黨就一定會星期一二攞個Deal嘅法案出黎表決。而睇呢306個反對延期票，大概就知真正通過新Deal嘅機會有幾大（又係嗰句，英鎊唔呃人嘅）。
現時Brexit情況講完，不如大家睇下今日英國全國新聞最突出嘅亮點，竟然係當日好慘咁喊住落台嘅前首相Theresa May！愛國愛黨，不割蓆嘅民主政客量度出晒黎。
當日佢自己個Deal被大比數否決三次，然後比Boris Johnson為首嘅一班保守黨自己友推落台。如果係東亞宮庭宦官權鬥DNA，佢大可以做怨婦唔出聲食花生，或者割蓆順便篤灰加指責。不過佢選擇以「失敗者」身份自嘲做開始，講出一段好發人心醒嘅演說。佢話今日對佢黎講好似發夢見過咁（Deja Vu），即係見到呢班議員為政治利益、抽水、幻想去拖Brexit呢件事，潛台詞係笑緊自己：「我嗰個deal或者做法係衰，但去到今時今刻你班友仲搞？」。更以前首相嘅三年幾「痛苦」經驗，去批評各反對派嘅性幻想同打飛機心態。同時語重心長咁話，哪怕當天自己都唔鐘意公投（嗱，當日國會通過同意搞個脫歐公投㗎！即係大家有份玩出黎！），但民選議會就係責任尊重同履行結果。無錯喇，基本民主教學，個人政治利益，理念，想法响重要時候，係應該放埋一邊，自己搞出黎嘅，就要負責個結果（Did we mean it?）。依家全國都唔想有不確定性，更無人想No deal，玩咗三年都無策略觀點睇法，玩拖延同拉後腳對邊個有利益？
P.S. May姐今日可以話係盡顯古老民主大國政客，應有嘅民主智慧同愛國愛黨量度。當日慘被推自己友落台，受全國恥笑，今日竟然企出黎為插自己一刀嗰個Boris Johnson站台。全國搶盡Focus原因，未必係佢嘅觀點，而係佢嗰為國家或者自己個黨嘅氣度。
Video Source: Parliament TV
#學政治先學量度
#愛國愛黨不割蓆是咁的
Search